* मी एक २३ वर्षांच अविवाहित तरुण आहे. माझे शिश्न आकाराने लहान आहे. माझं लग्न
ठरवण्याचा प्रयत्न माझे आईवडील करत आहेत. पहिल्या रात्री शिश्नाच्या लहान आकारामुळे
पत्नीला काय वाटेल, या विचाराने सध्या माझी झोप उडाली आहे.
पहिल्या रात्री आपलं शिश्न लहान आहे हे पाहून पत्नीला काय वाटेल असा विचार करणारे अनेक
जण असतात. आपण आपल्या पत्नीला पूर्णपणे सुख देऊ शकू किंवा नाही अशी भीतियुक्त शंका अनेक
व्यक्तींमध्ये असते. या शंकेचं निरसन करण्यासाठी एक गोष्ट जाणून घेणं अत्यंत आवश्यक आहे.
स्त्रीचा योनीमार्ग साधारणपणे पाच इंच इतका खोल असतो. त्याच्या केवळ बहेरील एक
तृृतियांश म्हणजेच दीड ते दोन इंच भागातच लैंगिक संवेदनांचा आनंद घेण्याची क्षमता असते.
त्यामुळे पुरुषाचे शिश्न ताठ असलेल्या अवस्थेत दोन इंच लांब असेल तरी तो पत्नीला पूर्ण सुख देऊ
शकतो.
पहिल्या रात्री आपण लहान शिश्न पाहिल्यावर काय वाटेल ही भीती त्यामुळे निरर्थक ठरते.
प्रथमत: पुरुषाचं नग्न शरीर बघण्यात स्त्रीला जराही उत्सुकता नसते. साधं चुंबन घेतानाही ती
डोळे मिटून घेते. पाहण्यापेक्षा अनुभवण्याकडे तिचा जास्त कल असतो. पत्नीच पतीपेक्षा जास्त
घाबरलेली असल्याने तिच्यावर मानसिक दडपण जास्त असतं. पतीसमोर विवस्त्र होणंही त्या
डोळे मिटून स्वीकारतात, अशा वेळी पुरुषाच्या लांबीरुंदीमध्ये तिला काहीही रस नसतो.
